من اشهر التنقيعات في رمستنا .. ^^

[●[ мιšš . b }]

بسم الله الرحمن الرحيم

السلام عليكم ورحمة الله وبركاته


يا كثر ما ننقع ها الايام ...((يالله بالستر))
بس هاي من اشهر واقوى التنقيعات...تحذرو منها

1-ما فيني : والصواب- ما فيي ومعناها..ليس باستطاعتي.

2- معور لي براسي: والصواب- معور لي راسي..ومعناها يصيبني
بالصداع.

3- ملوعليه بجبديه: والصواب- ملوعليه جبديه..ومعناها يصيبني
بالغثيان.

4- ملعوزبيه: الصواب- ملعوزني- ومعناها اي يضايقني.


5- مشردبيه: والصواب مشردنيه..ومعناها يدعوه للهروب


6- يلحق وراي: والصواب- يلحقني..وهي فصيحة.

7- يترمس: الصواب- يرمس..ومعناها يتكلم. ..
مشهوره بين صغاريه عائلتناا<<

8- هديت لك ملاحظة: الصواب خليت لك ملاحظة..ومعناها تركت لك ملاحظة.

9- عليه شنب ولحيه: الصواب فيه شنب ولحيه.
10- حق شو: الصواب شحقهومعناها لماذا؟


11- مال شو: الصواب شماله..ومعناها لأي غرض؟

12- اعباه: الصواب عباه..ومعناها عباءه.

خقه الصبايا غير نمووونه<<

13- يتكلم مواطن: الصواب يرمس رمستنا او يتكلم اماراتي.

قال مواطن قاااال<<

14- زخ قناة الشارجه: الصواب حط قناة الشارجه.

عااااش عااااش ..زخها قبل لاتشرد ههههه

15- يلعب في الكرة: الصواب يلعب بالكرة.
16- اشقا: الصواب شقا او شقايل ومعناها كيف؟

17- شاي سليماني: الصواب شاي حمر

18- يضربه ويا العصا : الصواب يضربه بالعصا.

19- زايد فيه: الصواب زايدنه.

20- يالس ليه يلعب: الصواب يالسلليه يلعب


اختكم

:evil:

[عديم الشوق]

يسلموووو على النقل


ههههههه

[Gєσυl•Lαвαn∂α]

:D كـلمـااات روووعـه واللـه من زمـاان وانا ابي اتقـن { الرمسـه الامـاراتيه }

فديـتج بس أكيـد راح أحـاول احفظهم :p

يسـلموو :evil:

[•Ằ7ιά-σηţнά•]

هع هع حبيبتي هاي لغه قوم الشارجه ول راك اظني ,,
احنا مانرمس جذي ,, هععععععععع ,, مانقول مثلا
[ لبستيه , خذيتيه , ماليه , يعني اللي اخر شي [ يه ] ,, ]
هع هع ,, بس كششخه ,, يسسلمو ,, ^___*

[ŤőΌŏмёт]

ههههههههههه والله نااايس

فلــه الكلام الأماراتي موو سهل انا بس الي اعرفه ان انتو كله تقوولوون "يا ريال "ههههههه

والصراحه رمستكم تجنن :)

تسلمين غلاتي ع طرح ـج المميز

نترياا منج كل يديد

.
.

تــ ح ــياتي

[raid_113]

اسميه تنقيعات خخخخخخخ


الحين نحن جي خ خ خ

[..::عزة نفس::..]

هههههههههههــ
حلوه منج
تسلميلي على الموضوع
تحياتي
^^

[راعية مشاكل]

تسلمين الغلا ع الموضووع

ونرقب الزوود م جداج

والسموحهــ ^_^

[play boy]

هع هع هع

عربي زعيف لول

تسلمين ع الموضوع الحلو

[رتـــاج]

ههههههههههههههه


مشكووووره غلاي ع الموضووووع الطررر


نتريا كل يديدج